Kylie Jenner leh Travis Scott inṭhen

Kum 2 bawrvel an inzui hnuah Kylie Jenner leh Travis Scott-te chu an inṭhen thu khawtlang media-te chuan an tarlang.

An inṭhen chhan hi People magazine chuan Travis phone-a thil rinhlelhawm tak leh a duh loh thil, Kylie hian a hmuh vang niin an tarlang a ni. Vawi tam tak Kylie leh Travis-te inṭhen thu hi sawi a ni fo a, an inhmangaih hle a niang an inzui leh fo. Kumin kum tir pawh khan Travis hian Kylie hi bumin hmeichhe dang a kawpsan nia sawi a lo ni tawh bawk.

Kum 2017-a Coachella aṭanga an inzui hnu rei loteah Kylie hian Travis-a fa a pai zui nghal a ni. Kylie hi nikum February-a a fanu Stormi pian hma kha chuan vantlang lak aṭangin a inthiarfihlim a, a fanu pian hnu hian fa a pai tih hi hriatchian a ni chauh.