Meghan Markle-i'n UK chanchinbu a khing

Britain Prince Harry nupui, Duchess of Sussex Meghan Markle chuan a mimal thil chan­chin­bu a an lo thehdarh avangin British tabloid, Mail a khing.

Mail hian Duchess private letter an tihchhuahsak a, hei vang hian Mail leh a parents company, Associated Newspapers khinna hi a thehlut a ni. Markle lehkha­thawn tihchhuah hi a pa hnena a thawn nia sawi a ni. 

Meghan thupuangtu chuan chanchinbu thiltih chuan lal­chhung­kaw zahawmna a tih­hniam thu sawiin, dik lo taka Duchess of Sussex mimal thil an thehdarh sak leh Data Protection Act 2018 palzut vangin an khing tih a sawi. 

Duke of Sussex, Prince Harry chuan a nupui thlavang hi hauh nghalin, "Ka nu pawh heng thil hi a tuartu a lo ni tawh a, tunah ka nupui chungah a thleng leh a ni. Heng thu thehdarh hian mihring nun a tichhe thei a ni", tiin thuchhuah a siam.