Maleficent: Mistress of Evil film-ah Aishwarya Rai aw hmang
Bollywood actress Aishwarya Rai Bachchan chu "Maleficent: Mistress of Evil" hindi version-ah Maleficent lema chang Angelina Jolie aw aiah a aw hman a ni.
He film hi nimin piah khan YouTube lamah a trailer hindi version tihchhuah a ni. A film hmasaa Angelina inthuam ang deuhin, Aishwarya Rai chuan he trailer-ah hian kawrdum a rawn ha a, a trailer en tawh chuan he film tihchhuah thar tur hi en a chakawm tawh zia an hre thei ang.
American dark fantasy adventure film "Maleficent: Mistress of Evil" an siam tharah hian Angelina Jolie bawk a chang leh a, October 18-ah English leh Hindi verson a tlangzarh tura ruahman a ni. He film hi 2014 khan khan a hmasa zawk chu tihchhuah a lo ni tawh a, a hlawhtling bawk a niang kuminah a thar siam leh a ni. Director atan Robert Stromberg bawk a ni leh a,Walt Disney Pictures-te'n an produce leh bawk.