Avatar changtura sawmna hnawltu Matt Damon
Hollywood superstar Matt Damon chuan GQ magazine-a interview a neihnaah Avatar chang tura sawmna a hnawl avangin $mtd 250 a chan thu a sawi chhuak.
"Avatar film siamtu James Cameron chuan chang ve turin min sawm a, he film aṭanga hlawkna 10% chu i chang dawn a nia, i duh loh chuan midang chang turin ka sawm dawn a, hlawkna pawh hi ka pe bawk ang tiin min sawn a ni," tiin Matt Damon chuan interview a neihnaah a sawi.
Damon chuan "Promised Land film kan ziah laiin, ka ṭhianpa John Krasinski chu he thu hi ka hrilh a, ani chuan he film i chan vang hian i nunah engmah a danglam phah chuang lo ang, tiin min chhang a, lo chang ta ila chu tunah pawh hian space aṭanga kan inbiak a ngai tawh ang," tiin a sawi bawk.
"Actor dangte ai mahin sum chu ka kalsan hnem ngei alawm, mahse vawiin thlengin he film ka chan loh avang hian ka fate'n chaw an la nghei lo. Ka thil tih hi ka pawm thlap e," tiin Damon chuan a sawi chhuak a ni.