TSAY Short film Competition Bethlehem Corps SAY-te an hmuhnawm ber

Territorial Salvation Army Youth Council(TSAY)  Short film Competition buatsaihah SAY Bethlehem Corps-te chu pakhatna an ni a, SAY Dinthar Corps -te chu pahnihna niin SAY Bawngkawn Corps -te chu pathumna an ni ve bawk. 

October 3, Ningani zan khan result puan inkhawm hi Booth Mansion Conference Hall-ah neih a ni a, Commissioner Lalzamlova Territorial Commander chuan result hi a puang a ni. Pakhatna aṭanga pathumna hian pawisa fai, certificate leh trophy an dawng vek a, pakhatna hian Rs. 50,000 an dawng a, pahnihnain Rs. 30,000 dawngin pathumnain Rs. 20,000 an dawng.

He competition-ah hian Corps 20 telin, minute 15-a sei film siamin intihsiakna an nei ,  SAY Bawngkawn Corps chuan YouTube lamah thlirtu ngah berin People's Choice Award an dawng a ni.

Pakhatna    SAY Bethlehem Corps

Pahnihna    SAY Dinthar Corps

Pathumna    SAY Bawngkawn Corps

Individual Prize

Best Directing    P.C Lalhmingchhuanga, Bethlehem Corps.

Best Editing    Lalnuntluanga, Ramhlun Corps.

Best Script    V. Lalremruata, Tuikual South Corps.

Best Actor(Male)    F. Lalrinkima, Kolasib Corps.

Best Actress    Peggy Lalhlimpuii, Dinthar Corps.

People's Choice Award    SAY Bawngkawn Corps