Gigi Hadid leh Tyler Cameron an inṭhen

Khawthlang milar inngaizawng leh inneite inṭhen thu hi chu entertainment khawvelah chuan thil thar a ni awm lo e.

E! News chuan model chhe lo zet leh lar ber pawl Gigi Hadid leh a bialpa Tyler Cameron-te chu thla hnih chauh an inzui hnuah an inṭhen leh tih a tarlang. Kum 24 mi Gigi Hadid leh a bialpa kum 26 mi 'Bachelorette' star Tyler inṭhen chhan chiah hi tarlan a ni lo a, Tyler hian tunkar tir lamah an interview-naah 'ṭhian' mai an nih tawh thu a lo sawi lang zauh tawh a, tunah erawh an inṭhen chiang ta niin a lang.

Tyler hian Gigi nena an inkar chungchang hi a sawiṭha vak duh lo bawk a ni.