Jim Carrey-a'n nakkumah lehkhabu tichhuak dawn

Entertainment Tonight chuan Canadian-American comedian actor Jim Carrey-a'n a mimal chanchin a ziahna "Memoirs and Misinformation" chu nakkumah a tlangzarh dawn thu an tarlang.

Novelist Dana Vachon leh Knopf editor-in-chief Sonny Mehta-te chu Jim Carrey hian he lehkhabu a ziahnaah hian a thawhpui a ni. Carrey-a lehkhabu ziahah hian lemchan lam te, Hollywood, agent, celebrity, inṭhianṭhatna, khawharna, inngaihzawnna lam leh Canada aṭanga a chawrchhuah dante bakah khawvel tawpa chhiatna lo thlen dan turte a ziak a ni. He leh­khabu hi semi-auto­biographical a ni ang.

Kum 2015-a Jim Carrey bialnu hlui Cathriona White a thih khan, White-i chhungte chuan Carrey hi inhnamhnawihah puhin a lakah thubuai an ziak lut a ni. Hmanni lawk pawh khan US-a School nupangte silaia kah an nih avang khan, Carrey chuan a twitter-ah milem nen Donald Trump dodal zawngin fiamthu a post a, mi tam takin an sawisel nasa hle.

Tunhnaiah Carrey hian hmingchhiatna hrang hrang nei mah se nakkum May thlaa a lehkhabu tihchhuah thar tur erawh hi chuan ngaihven a hlawh viau thung.