Sheeran, Cabello leh Cardi B-ten hla thar tichhuak
Ed-Sheeran chuan Zirtawpni khan a single thar 'South of the Border' chu tichhuakin, he hlaah hian Camila Cabello leh Cardi B-te a thawhpui.
'South of the Border' Music Video hi a hmuhnawm hle a, James Bond style short movie-a siamin, Jason Koenig chuan a direct a, 'frivolous spy film' tiin a music video title hnuaiah hian hrilhfiah a ni.
'South of the Border' hi Ed-Sheeran-a studio album palina, July thlaa a tlangzarh 'No. 6 Collaborations Project' ami a ni a, a music video-ah hian Sheeran hi Teddy Fingers lemah a chang a, Camila Cabello hi Mariposa lemah changin Cardi B erawh hi chuan ama hming pangngai a hmang thung.
Music video-ah hian 'ruby' ṭhi an inchuh a ni. Ed-Sheeran hian Khalid, Chance the Rapper, Eminem, 50 Cent, Justin Bieber, Bruno Mars leh Chris Stapleton-te pawh a lo thawhpui tawh bawk.