Garth Brooks-a'n 'Library Of Congress Gershwin Prize' dawng dawn

American country singer leh songwriter lar Garth Brooks chuan "Library Of Congress Gershwin Prize" a dawng dawn thu Library of Congress chuan Nilaini khan a sawi. 

Kum 57 mi, Brooks hi he prize la thei naupang ber a ni dawn bawk. Willie Nelson-a'n kum 2015-a he prize a dawn hnua country music aṭanga he prize la leh thei tur awmchhun a ni bawk. Congress librarian Carla Hayden chuan "A zaithiam vangte, a hla phuah thiam vangte leh midangte a ṭanpui fo avangte hian country music khawvelah hian fan tam tak a hip lut a ni," a ti.

Brooks hian Grammy award mai bakah award tam tak a la tawh a, tuna a prize dawn tur hi nakkum March thlaah Washington D.C-ah a dawng ang.