Lewis Capaldi-in award pahnih a la Best International female Billie Eilish

British award ngaih hlut British Pho­nographic Industry (BPI)-in kum tina an sem ṭhin, BRIT Awards 2020 chu Thawhlehni khan O2 Arena, London-ah sem a ni.

Lewis Capaldi chuan award la hnem berin pahnih-  Best new artist leh Best song a la a, category 10 chauh a awm bawk a, award pakhat aia tam la thei midang an awm lo. Jack Whitehall leh Alice Levine-te chuan award sem inkhawm hi host-in Jack Whitehall hian a zawnin kum thum a host-na a ni tawh.

Zaithiam ṭha tak tak eng emaw zat an perform a, main show ṭan hma pawhin Liam Payne leh Mabel-te pawh an perform a ni. Show ṭan hnuah pawh Mabel, Lewis Capaldi, Harry Styles, Lizzo, Billie Eilish leh Rod Steward-te  an tel.

Billie Eilish hian James Bond theme song, tun hnaia a tlangzarh 'No Time to Die' a sa a, Rod Steward leh a ṭhuihhruaite pawhin a hla hit  'I Don't Want to Talk About It' leh 'Stay with Me' an peform bawk. Harry Styles chuan 'Falling' a sa bawk a, mipuiin an lawm hle.

Music lam award ngaih hlut semna hrang hrangah American tleirawl Billie Eilish hi kut ruakin a haw thei dawn lo niin a lang.

Thawhlehnia Britain mipuite award ngaih ropui BRIT award semnaah pawh Best International female award a hum haw leh. Chumai piah lamah Award ngaih hlut British Album of the Year chu a nuṭa Finneas nen Dave hnenah an hlan bawk.

Award a la tur pawh hi a lawm avang­in a mittui a tla hial a ni.

    Album of the Year award la tu London rapper Dave chuan an ram prime minister chu 'racist' a tih thu a sawi. Hei hian sawi

zui a hlawh hle.

Ø    Brit Awards 2020 hi vawi 40 an semna a ni tawh.

Ø    Jack Whitehall chuan a zawna a kum thumna turin a host.

Ø    BRIT awards hi kum 1977 aṭang khan sem ṭan a ni a, kum 1982 aṭang khan kum tina sem ṭan a ni.

Ø    BRIT awards la hnem ber chu Robbie Williams a ni a, solo artist angin 13 lai a la a; Take That angin panga a la bawk.

British Album of the Year    Dave – Psychodrama

Song of the Year    Lewis Capaldi – "Someone You Loved"

British Male Solo Artist    Stormzy

British Female Solo Artist    Mabel

British Group    Foals

Best New Artist    Lewis Capaldi

International Male Solo Artist    Tyler, the Creator

International Female Solo Artist    Billie Eilish

Rising Star Award    Celeste

British Producer of the Year    Fred Again