Feli Fanai hla thar 'Lengdang ṭang a bel'

'Pheichhehmawi' thiam tak maia satu, Feli Fanai chuan a hla thar 'Lengdang ṭang a bel' music video chu YouTube-ah en theih turin a chhawpchhuak ta.

'Lengdang ṭang a bel' hi a hmain Lyrics video a tichhuak hmasa a, tunah hian official music video tichhuak leh a ni. Tun ṭuma Feli Fanai hla thar hi hla lungkuai lam pang, rilru natna lam hla a ni a, Feli hian a sak lungkuai thiam bakah a sa nalh hle nghe nghe a, ngaihthlak hmaih phal chi a ni lo ang.

He hla hi  P.L Rinsanga leh John Hnamte-te phuah a ni a, music hi Kima Chhang­te kutchhuak a ni thung. Recording hi Prince­ton Records-ah tih niin video hmuhnawm tak mai hi BS pictures kutchhuak a ni bawkin, designer Escape Eng­moia direct a ni thung.