Snoop Dogg vangin University of Kansas-in ngaidam dil

Kar kal ta Inrinni khan University of Kansas-a Phog event Late Night show-ah rapper Snoop Dogg a zai a, heta a perform dan chung­­changah hian athletic di­rector Jeff Long chuan mi­puite hnenah ngaihdam a dil.

University of Kansas-in kumtina an neih ṭhin Late Night show-ah hian basketball tournament hawnna neih ṭhin a ni a, he hunah hian zaithiam sawm ṭhin an ni. Kumin hian he hunah hian Snoop Dogg zaiin, pole dancer a rawn hmang bawk a, Akon nena an hla sak 'I Wanna F**k You' chu a clean version loin a rawn sa chhuak a ni. Hemi a perform lai hian pawisa lem chu a dancer hmaah leh mipuite hmaah a kap chhuak ṭeuh bawk.

A perform dan chung­chang leh a hla sak hi zir­laite hmaah chuan a mawi loh mai bakah miṭhenkhat an lungawi lo hle a, hemi avang hian Jeff Long chuan ngaihdam dilna thu a sawi chhuak ta a ni. "Kan beisei loh angin Snoop Dogg hi a rawn che a ni", tia sawiin ngaihdam a dil zui. Phog event Late Night show-ah hian rapper Tech N9ne, Lil Yaghty leh 2 Chainz-te pawh an lo sawm tawh bawk.