British album charts-ah The Beatles lang leh

English rock band The Beatles album “Abbey Road” chu an tlangzarh aṭanga kum 50 hnuah British album charts-ah pakhatna a hauh leh.

“Abbey Road” album hi The Beatles kehdarh hmaa an album hnuhnung ber "Let It Be" hma chiaha an tlangzarh a ni a, hemi hnu hian "Something" leh "Come Together" hla chu an album backup nan an ti chhuak leh bawk a ni.

Kar 17 zet “Abbey Road” album hian British album charts-ah pakhatna luahin, kum 1970 January 31 thleng a luah a ni. Hemi hnu kum 49 leh ni 252 hnuah chart-ah pakhatna rawn hauh leh theiin, Guinness World Record pawhin hei hi an chhinchhiah hial.

“Abbey Road” hian thla liam ta khan a kum 50 tlin lawmna neih a ni a, hemi pual hian special deluxe edition an ti chhuak thar. He album hi kum 1969 September 26-ah khan an tlangzarh a, kum 50 zet a liam hnuah British album chart-ah pakhatna a hauh nawn leh a ni.