Tim Tebow-a'n Jail a tlawh

American professional baseball player Tim Tebow chuan Texas, Waco-a Alfred D. Hughes maximum-security prison chu Thawh­lehni khan a tlawh.

Alfred D. Hughes maxi­mum-security prison hmuna tang 2,000-te hnenah hian Tebow chuan Pathian thu a hrilh a ni. Tangte a kannaah hian intihhlim nan Pushup competition-te an buatsaih a, an hlim hle.

"Isua avanga Alfred D. Hughes hmuna ka unaute nena hun hman chu a nuam ka ti em em a, an hnena Pathian thu sawi pawh a nuam ka ti a ni," tiin Tebow chuan a instagram-ah tangte nen an thlalak hona post pahin a sawi zui bawk.

Tebow chuan, "Helai hmuna awmte hmangaih theihna hun ṭha ka nei leh hun hlu tak ka hman pui theih avangin, he hmuna warden-te leh hnathawk zawng zawngte chungah lawmthu ka sawi a ni," a ti. Tang zinga pakhat pa (father) chuan Tebow hi ziak meuhin Alfred D. Hughes hi tlawh turin a ngen a, Discipleship Unlimited ministry chuan Tebow's foundation an be pawp a, Waco khaw mi Suzanne leh Terry Mabry-te chuan a tlawh theih dan tur chungchang vel hi an lo buaipui a ni.