Guns N’ Roses-in kum 27 hnuah Locomotive an sa leh

Thawhṭannia Kansas-a IN­RUST Bank Arena hmuna an zainaah American hard rock band Guns N’ Roses chuan, kum 27 hnuah 'Use Your Illusion II' album a mi 'Locomotive' an sa leh.

'Use Your Illusion II' hi kum 1991 September 17 khan tlangzarh a ni a, 'Locomotive' hla hi Axl Rose leh Slash phuah a ni. He hla hi kum 1992 February 20-a an perform hnuah, Thawhṭanni zan khan an perform leh chiah a ni. 

Hemi bakah hian an hla Welcome To The Jungle, Rocket Queen, November Rain leh Sweet Child O’ Mine-te chu Kansas-ah hian an sa bawk. October 15-a Tennessee-a Exit 111 Festival neih hmain, vawiin hian, Austin City Limits-ah Guns N’ Roses hi an zai dawn bawk a ni.