$3,000 man 'Jesus Shoes' hralh zo rang

Brooklyn-base creative label, MSCHF-in a siam, Holy Water an dah telna leh puithiamin mal a sawm, Nike Air Max 97, 'Jesus Shoe' tia vuah chu tlangzarh a nih aṭanga minute rei loteah an hralh zo nghal. 

$3,000 man sneakers hi a sole chhungah hian Jordan Lui tui an dah tel a ni. Jordan Lui tui dah a nih bakah, he pheikhawkah hian Bible chang, tui chunga Isua a kal thu chuanna, Mathaia 14:25 tih chu ziahlan a ni a, a sirah Isua thisen aiawhtu atan thisen far khat lem dah a ni bawk. 

Pheikhawk hruiah hian Isua khenbeh lai lem dah tel a ni bawk a ni. Pheikhawk bawmah pawh angel lem leh Pope official seal ang thei ber seal dah a ni bawk. Jesus Shoes hi 24 pawh an siam tling lo a, a dang siam belh an tum lo tih MSCHF chuan a sawi. MSCHF label hian thla tin Thawhlehni vawi hnihna leh vawi linaah item thar an tichhuak ṭhin a ni.