K-Pop Idol Group Hashtag leh Noir-te NBC Treadstone-ah inlan dawn

The Korea Times chuan K-Pop Idol Group pahnih Hashtag leh Noir-te chu, Television broadcasting company NBC hnuaia awm USA Network television series Treadstone-ah an inlan dawn thu an tarlang.

Treadstone hi American drama series a ni a, K-pop band Hashtag leh Noir-te chuan he series a an telve tur chu an lawm hle tih leh an ngaihhlut thu an sawi bawk a ni. Hashtag leh Noir-te hi LUK Factory manage an ni a, member-7 awmna Hashtag hi hmeichhe band niin "Hue" hla hmangin mi hriat an hlawh chho a ni. Chutihrualin Noir hi mipa band an ni ve thung a, member 9-an awm a, "Doom Doom" leh "GANGSTA" hlate avanga lar an ni thung.

USA Network chuan Treadstone series hi October 15 aṭangin mipuite hnena en theihin a pe chhuak ang.