A fate ruala baptisma chang Kim Kardashian

Kim Kardashian West chuan October 6-a a fate'n baptisma an chan rual khan a chan ve thu Ningani khan a tarlang.

Mother See of Holy Et­chmiad­zin, Armenia-ah a fate pathumin baptisma an chan thu chu media hrang hrangah tarlan a ni tawh a, Ningani khan Kim hian a Instagram-ah baptisma a chan ve thu hi a tarlang a ni.

A fanu North nena puana an lu tuama an thlalak a post-naah Kim hian a caption-ah," Trip hriatreng tlak avang khan Armenia ka lawm e. Ka naute te ruala Mother See of Holy Etchmiadzin, Armenia main cathedral, a changa Vatican of the Armenian Apostolic Church tia sawi ṭhina baptisma ka chang ve thei kha malsawmna a ni. He biak in hi 303 AD-a sak a ni," tiin a ziak.

Armenia-ah hian Kim leh a laizawnnu  Kourtney Kar­dashian-te chuan an fate baptis­ma an chantir a ni. An pa Kanye West-a'n sakhaw lam a ngaihsak bawk a, Kim hian a thlawp ṭha hle niin a lang, tunah chuan a fate zawng zawng nen baptisma an chang ta vek a ni.