Aerosmith chawimawi dawn

American rock band Aeros­mith chu 2020 MusiCares Per­son of the Year hlan an ni dawn. 

MusiCares hi music profes­sional, sum lama puih ngai leh damdawi lama inenkawlna kawnga puih ngaite pui ṭhintu a ni. Nimin khan MusiCares chuan Grammy winning band, Aerosmith hi kum 50 chuang zet American music-a hnuhma ropui tak a lo neih tawh avang leh, midangte puihna kawnga tha nasa taka an lo thawh vangin chawimawina dawnga tura thlan a nih tih a puang. 

MusiCares and Recor­ding Aca­demy President leh CEO De­bo­rah Dugan chuan, Aerosmith hian midangte ṭanpuina kawngah ke an pen nasa hle tih a sawi. Aerosmith frontman Steven Tyler hian hmeichhia, kum 12-18 inkar kuttuar leh hlamchhiah tawkte ṭanpuina turin Janie's Foun­dation a din bawk a ni. 

He chawimawina hi nakkum January 24-ah, 62nd Annual Grammy Awards neih hmain hlan a ni ang. Aerosmith hi band zingah he chawimawina dawng thei pahnihna tur a ni a, nikum khan Fleetwood Mac-in an lo dawng tawh a ni.