Danny Wimmer Presents Hard Rock Festival 2020
Danny Wimmer Presents chuan nakkuma Hard Rock festival an buatsaih tur zawng zawngah Metallica chu headline tur an ni vek tih a puang.
Danny Wimmer Presents hian nakkum chhung hian Hard Rock festival panga an buatsaih dawn a ni. US-a Independent festival producer lian ber Danny Wimmer Presents dinchhuaktu Danny Wimmer chuan Metallica chu headliner satliah an ni lo tih sawiin, stage an lawnkai tawh chuan 'event' a ni nghal tawp tawh tih a sawi. American Rock festival lian bera band lian ber hruai thlen hun chu a nghakhlel hle tawh tih a sawi bawk.
Metallica hian tunhnai khan Australia leh New Zealand-a an show neih tur ṭhenkhat chu an frontman James Hetfield rehab lama a luh leh avangin an ṭhulh a, hemi chungchangah hian Lars Ulrich, Kirk Hammett leh Robert Trujillo-te pawhin Hetfield an thlawpna thuchhuahte pawh siam tawhin, fan-te ngaihnathiamnate pawh an lo dil tawh a ni.