Mizo Idol Star Mami'n hmanpui

Zomi-te Kûtpui ber 'Khuado Pawipi' chu October 11-12 khan Tedim, Chin State, Myanmar-ah ropui taka lawm a ni. 

He hun hi Mizoram aṭangin Zofa Global Network (ZGN)-te’n an han hmanpui a, Chin State chief minister Lian Luai, Chin State speaker Zo Bawi, Chin State minister Pau Lun Min Thang leh Mang Hen Dal-te bakah MP leh MLA eng emaw zatin an hmanpui bawk. 

'Khuado Pawipi'-a ZGN Champhai Chapter Executive Committee Member ni mek H. Lalnunsiami (Mami), Mizo Idol 2018-a Pahnihna chuan he kût hi hmanpuiin, Zomi hla leh Mizo hla hmangin mipui a awi a, lawm a hlawh hle. Gin Kam Lian, MP phei chuan USA-a Zomi Programme lian thamah zai tura sawm a nih ngei theih nan hma lakpui a tum thu a sawi hial. Mami hi Tedim Times-in Interview an neihpui nghal a ni.