Selena kal thlak Pathian remruatah Francia-i'n ngai

Selena Gomez tana a kal (kidney) pe tu American actress Francia Raisa chuan Selena kal thlak chu Pathian remruat a nih a rin thu a sawi.

Francia Raisa hi Selena ṭhian ṭha tak a ni a, Lupus natna vanga Selena kal thlak a ngaih ṭum khan phal takin a kal a donate a ni. Hei hi Raisa hian Pathian remruatah ngaiin a kal leh Selena kal inmil chiahte chu thil danglam tak, thleng tur renga ruatsa a nih a ring.

'Entertainment To­night'-in an inter­view-naah Francia chuan,"Rinna nasa tak nena thutlukna siam ngai a ni, amah nen pawh a hmain kan sawidun tawh. Thil thleng palh angin lang mah se thil thleng palh a nih ka ring lo. Pathianin a rorelna a lantirna kawng niin ka ngai. Khang thil avang khan ka lawm hle a ni," tiin a sawi.

Selena Gomez pawh hi tunah chuan a ṭha tawh hle a, a taksa pawhin a kal thar chu pawm tawhin a ṭha tawh hle a ni.