DJ Zedd China-ah kal phal lo

International DJ Zedd chuan a twitter-ah China-in an ramah kal an phal­sak loh thu a ziak.

China-in an rama luh an phal loh chhan hi American animated tele­vision series "South Park"-in an official Twitter ac­count-a an thil tweet a like vang a nih thu Zedd hian a sawi. German musi­cian publicist, Adam Guest chuan China-ah Zedd kal phal a nih loh thu hi thudik a ni tih CNBC a hrilh tawh bawk. Hetih lai hian Zedd hi a music nge amah hi China-ah hian an khap tih erawh engmah a la chiang lo. 

October 2-a tihchhuah South Park episode thar "Band in China" chu China sorkar hian duh loin, an president Xi Jinping kahna lampang a ni tih an sawi. He episode-a Randy-a'n marijuana hmanga a sumdawnna zauh tura China a kalte chu an duh lo hle bawk a ni. "South Park" siamtu Trey Parker leh Matt Stone chuan Thawhṭanni khan China chung­ah hian ngaihdam an dil tawh bawk.