Kurt Cobain-a kawrlum lilam dawn

Nirvana MTV Unplugged-a Kurt Cobain-a kawrlum hak, olive green cardigan leh a custom guitar pakhat chu lilam a ni dawn.

Julien’s Auctions chuan Nilaini khan hemi chungchang hi sawiin, Kurt Cobain kawrlum leh a custom Fender Guitar, 1993-a siam chu lilam a ni dawn tih a sawi. Cobain hian a custom Fender Guitar hi Nirvana 'In Utero Tour'-ah khan a hmang a ni.

Cobain-a kawrlum an lilam tur hi Roy Wilkins Auditorium, St. Paul, Minnesota-a Dec. 10, 1993-a MTV Unplugged-a a hak kha a ni a, hemi rual hian Bob Dylan, Eric Clapton leh Bruce Springsteen-ten an kut ngeia an ziak hlathu (lyrics) pawh lilam a ni nghal bawk ang.

October 25 leh 26 hian lilamna hi neih a ni dawn a, Coban-a guitar an lilam tur, turquoise-bodied left-handed guitar hi kum eng emaw zat chu Rock and Roll Hall of Fame-ah mipui hmuh theih turin an tarlang tawh a ni.