Duke and Duchess of Cambridge-ten Pakistan tlawh
Britain Duke and Duchess of Cambridge, Prince William leh Kate Middleton-te chuan Thawh-ṭanni khan ni nga cham turin Pakistan an thleng.
Britain lal fapate nupa hian Pakistan hi an tlawh vawi khatna a ni a, Pakistan Foreign Minister Shah Mehmood Qureshi leh a nupuiten Nur Khan Airbase-ah an lo hmuak a ni. United Kingdom Foreign and Commonwealth Office ngenna angin Prince William-te nupa hi Pakistan-ah hian an zin a, kum 2006-a Prince of Wales leh Duchess of Cornwall, Prince Charles leh Camilla-ten an tlawh hnua Britain lal chhungkuain Pakistan an tlawh lehna hmasa ber a ni.