K-pop star Sulli a thi

K-pos star, kum 25 mi zaithiam, model leh film chan thiam ni bawk Sulli chu, Thawhṭanni tlai khan a chenna in Sujeong-gu-ah thiin an chhar.

Seongnam police-te chuan Sulli hi Thawhṭanni tlai 3:21 (KST) khan a chenna inah thia chhar a nih thu an sawi. A manager chuan phone-in biakpawh a tum a, mahse phone call a lak mai theih loh avangin a inah a va kal a, thiin a va hmu ta a ni.

Sulli hi a hming tak chu Choi Jin-ri a ni a, kum 1994 March 29 khan South Korea-a Busan khuaah a piang. Kum 2005 khan SBS drama 'Ballad of Seodong'-ah Princess Seonhwa of Silla part lain, hetaṭang hian mi hriat a hlawh chho ṭan.

Kum 2009 khan South Korea entertainment company SM Entertainment ṭanpuinain, hemichhe band thar f(x) chu din a ni a, hetah hian member panga awmin Sulli pawh hi original member a ni. Acting lam luhchilh a duh avangin, f(x) hi 2015 August thla khan a chhuahsan.

Kum thum zet music khawvel a chawlhsan hnuah, Sulli hi kum 2018 khan Dean-a hla Dayfly-ah a zai ve leh a, hemi hnu kumin June khan ama hla 'Goblin' chu a tichhuak bawk. Sulli thihchhan hi puanzar la ni lo mah se, panic disorder a neih thu Mirror chuan a tarlang thung.