Nightwish-in an live concert video tichhuak dawn

Nightwish chuan Argentina khawpui Buenos Aires-a September 30, 2018-a Estadio Malvinas hmuna an concert-na video chu, Record label Nuclear Blast kaltlangin December 6-ah tlangzarh an tum.

An concert video hi 2CD Digipak, 3LP, Blu-ray Digibook leh BluRay/2CD a lei theih tura tihchhuah tum a ni. An video tihchhuah tur hi camera 19 hmanga cover a ni tih an tarlang bawk. An hla lar tak tak- End Of All Hope, Ghost Love Score, Élan, Nemo, Wish I had An Angel, Sacrament Of Wilderness, Elvenpath, Devil And The Deep Dark Ocean leh Dead Boy’s Poem-te chu he concert-ah hian an sa a ni.

An concert video tlangzarh tur hi pre-order a tih theih tawh a, an vocalist Floor Jansen chuan Finland khawpui Helsinki-ah, an hla thar tur music video an shot mek thu a sawi bawk.