Kolasib-ah MPL

Mizoram Premier League Season 8 chu Kolasib-ah khelh a ni dawn a, 'Hmangaih berte lenna hmun'-ah hian MPL ground reporter Lallianzami (Zam Zami) pawh a inlan ang.

Durtlang mel 5 nula Zam Zami tan MPL sea­son hnihna a ni tawh a, nikum khan Serchhip-ah a inlan tawh bawk. Zam Zami chuan, "Serchhip kha ka vawi khat zinna a nih avangin kal hma hauhin ka phur a, nuam ka ti bawk. Kolasib hi ka school kalna ṭhin a ni a, MPL ka hriatchian tawh bawk avangin kumin hi ka phur lehzual," tiin Vanglaini a hrilh.

Zam Zami hi a pa hna­thawhna vangin Kolasib-ah an awm ṭhin a, St. Maria Gor­reti School-ah a lut ṭhin. MPL bakah TV advertisement aṭangin Zam Zami hi hriat lar a ni a, a lan­na 'Hontrade In­ternational De fem­me' leh beng­dar faknate a hlawhtling hle.

Hei chauh hi ni loin 2018-2019 Central KṬP Kumpuan thupui 'Khawvel mamawh Isua Krista' behchhana film 'An dawn chiang lo' tihah a changtunu a ni a, he film-a scene ṭhenkhat hi zaithiam lar Lalduhsaki music video 'Min theihngilh bik lo'ng' tihah hman a ni bawk.