80's Video Billion View kai hmasa ber ‘Sweet Child O’ Mine’

Kum 1980 chhoa hla tihchhuah zingah ‘Sweet Child O’ Mine’ chu YouTube-a billion view kai hmasa ber a ni.

‘Sweet Child O’ Mine’ hi American hard rock band Guns N' Roses hla a ni a, an album 'Appetite for Destruction' zinga mi a ni. Forbes chuan YouTube-a Guns N’ Roses hla hi kumin chhung hian, mi maktaduai 895 velin an view tawh thu a tarlang.

He hla hi August,1988 khan tihchhuah niin, Billboard Hot 100 chart-ah pakhatna dinhmun pawh a lo hauh tawh bawk. Axl Rose phuah a ni a, nitinin mi 6,00,000 velin an view ziah ang a ni. An hla tho 1992-a an tih­chhuah 'Use Your Illusion I' album ami 'November Rain' pawhin nikum July thla khan, YouTube-ah billion view a rawn kai bawk a, 90's chhoa video tihchhuah billion view kai hmasa ber a lo ni tawh bawk.