Comedian Search season 12 Zaninah Top 5

RS Traders LPS Comedian Search season 12 Top 5-a tlingte zanin hian puan a ni dawn a, Top 5-a tlingte hian intih­siakna an neih chhunzawm nghal ang.

Zanina intihsiakna tur hi first leg a ni nghal dawn a, Comedian Search judge hlun, chatuan ram pan ta Mafaa Hauhnar pualin sunna hun tawi hman a ni dawn bawk. Comedian Search hi a hit chho zel a, entu pawh an pung chho zel. Kuminah hian contestant pawh an ṭha rualin, an fiamthu pawh ruah­ṭham loh, tharlam leh nuihzathlak tak tak a ni hlawm. Zanin pawh hian show hmuhnawm tak en tur a awm leh dawn tih a chiang a, programme hi live-a en hman lote tan pawh  FTH Official Channel YouTube-ah upload ṭhin a ni.

Comedian Search khaipa Mapuia chuan,"Kan beisei phak bakin mipui hian comedian search hi min hlutpui ṭhin a, keini ni loin midang hei aia zei leh tihlu thiam leh a ngaihna hria deuh phei chuan buatsaih thei se hei aia hlu leh zual tur ni hian ka hmu ṭhin," tiin Vanglaini a hrilh.

Competition a san zel ang bawkin fiam­thu pawh a nuihzathlak telh telh a, contestant-te pawhin an fiamthu ṭha an phawrh ṭan a, nuih pawh a za zual telh tel zel a ni.