Ṭhazual Fakna Chart thununtu Sawmtea 'Lalpa I Chawimawi Ang'

Ṭhazual Fakna chart-ah Sawmtea Chhangte 'Lalpa I Chawimawi Ang' chu pakhatna a ni . Baby Malsawmtluangi 'Ka Kawng Hruaitu' chu pahnihna niin Sailo Lalsangzuali 'Tuinung Lui' chu pathumna a ni bawk.

Sawmtea hian 'Lalpa I Chawimawi Ang' music video hi nikum October thla tirah khan Zonet-ah a tichhuak a, a hnuah MDM YouTube channel-ah a duh apiang thlira ngaihthlak theihin a chhawp chhuak zui bawk. He hla hi a mawiin Pathian fak leh chawimawina hla ṭha tak a ni a, Ṭhazual chart-ah pawh a inlan thuai reng a ni. Chart-a a zinkawng hi a ngaihnawm a, nikum kum tawp lamah phei kha chuan chart luahlumtu ber niin kum 2021 a rawn inher chhuah meuh chuan pakhatna a rawn ni ta a ni. 

Chart top 5-a a inlanna a rei tawh a, tunah chuan dinhmun ṭha berah a rawn ding thei ta a, chart tihchhuah leh hunah a inlan chhunzawm dawn em tih hriat a chakawm tawh hle bawk.

Baby Malsawmtluangi 'Ka Kawng Hruaitu' chu palina aṭangin pahnihnaah a rawn inhlangkai a, 'Tuinung lui' hitmaker Sailo Lalsangzuali pawhin a hla hit hi parukna aṭangin top 3-ah a rawn inhlankai pui bawk. Anni pahnih hi an dinhmun a ṭha sawt hle a ni.

Faktu chu palina niin Lalthlengliani Jongte chu pangana a ni. Top 10-ah hian Gospel Zochhuanmawii, One in Christ, Cindy Lalthanpuii, Zualtei Khawlhring leh Ruthi Zonunsangi-te pawh an lang a ni.