‘Godzilla vs. Kong’ trailer a chhuak ta, a hmuhnawm dawn

Sakawlh lian pahnih insualna tur film ‘Godzilla vs. Kong’ trailer hmasa chu Pathianni khan Warner Bros. chuan an YouTube channel-ah an dah chhuak ta a, a hmuhnawm dawn tih a chiang.

Trailer aṭanga a lan danah chuan King Kong hi anmahni chhanhim turin mihringte'n an hmang a, hmeichhe naupang pakhat hmangin an thunun thei niin a lang bawk. Godzilla erawh chuan mihringte harsatna a thlen niin a lang a, Kong-in a hmaiah chiang taka a hnek lai te, Godzilla-in tuihnuai aṭanga a atomic beam hmanga Kong a phuh laite a lang bawk.  

Godzilla: King of the Monsters leh Kong: Skull Island chhunzawmna a ni a,  Godzilla franchise-a a film 36-na a nih tawh laiin King Kong franchise-ah erawh a film 12-na a ni dawn thung. Starring pawh an ṭha a, Alexander Skarsgård leh Rebecca Hall-te bakah Mexican lemchan thiam chhe lo tak Eiza Gonzalez-te pawh an inlan a ni.

A plot tur awmang a hriat theih ri ruai a, moster film ngainatute tan chuan film hnuhnawm tak tur a ni. Nikum May thlaa tlangzarh an tum tawh kha a ni a, hripui a len avangin November-ah an sawn hla a, tunah erawh March 26 hian tlangzarh an tum nghet ta a ni. Theatre-a en tura an tlangzarh dawn bakah HBO Max lamah pawh an pe chhuak tel ang.