Maleficent: Mistress of Evil-in sum lalut tam ber

Box Office-ah Maleficent: Mistress of Evil aia sum lalut tam an awm lo a, Joker-in dawtin pathumnaah hian film tlangzarh thar Zombieland 2: Double Tap chu a awm ve bawk.

Maleficent: Mistress of Evil 

American dark fantasy adven­ture film Maleficent: Mistress of Evil hi Zirtawpni liam ta khan tlang­zarh a ni a, theatre 3,790 aṭangin $36,948,713 zet a lalut nghal.

2014-a tihchhuah tawh Maleficent chhunzawmna niin, Angelina Jolie bawk chang lehin,  Elle Fanning, Sam Riley, Imelda Staunton, Juno Temple, leh Lesley Manville-te pawhin an role ngai an chang leh bawk.

Chart hmasa pahniha sum lalut tam ber lo ni tawh Joker(2019) chu pahnihnaah a awm ve ta a , a sum lakluh erawh  $29,251,840 a la ni phak. Chart ṭhenkhatah chuan pakhatnain  $mtd 20 an lakluh theih loh chang a awm fo a, hei hian Joker la ropuizia a tilang awm e.

Film thar  Zombieland 2: Double Tap chu pathumnaa awmin a sum lakluh pawh a tam hle tho.  Zombieland hmasa kha a hit em em a, a chhunzawmna pawh hi a hit leh viau. A chunga awm film pahnih hi an lian em a, a tluk zo lo a nimai a, hetichung hian  $26,803,104 zet a lalut tho.

Chart hmasaa pahnihna The Addams Family (2019) chu palina niin, Gemini Man chu pangana a ni ve bawk.