DM Cinema Hall peifel a ni ta

DM Cinema Hall, Falkland ami chu a duh apiang tana movie en theih turin an peihfel ta a, tunah chuan film chhuak thar apiang, India ram hmun danga awmten an en rualin a en ve theih tawh dawn a ni.

DM Cinema Hall-ah hian seat 132 a awm a, JBL surround sound niin, silver screen- 3D leh 2D en theihna tur an chhawp a, a lenzawng pawh ft. 21 x 9 a ni. Hall chhung hi AC veka thuam a ni bawk.

Ticket man pawh mipui vantlang tana en theih tura ruahman niin, Rs 150, 200, 300, 400 leh 500 mante a ni a, a hrechiang duh tan chuan Facebook leh Instagram lamah an page follow theihin a awm a, Ph- 6909715464 / 9366015713-ahte hian a zawhfiah theih bawk a ni.