Rock And Roll Hall Of Fame nomination list tichhuak

2020 Rock And Roll Hall Of Fame nomination list chu tunhnai khan tih­chhuah tawh ni­in, hetah hian Motor­head, Judas Priest, Thin Lizzy leh Sound­­garden band-te chu an langsar hle. 

Nomination-ah artist 16 hian tarlan a ni a, Motorhead, Judas Priest, Thin Lizzy leh Soundgarden band bakah hian, T-Rex, MC5, Nine Inch Nails, Pat Benatar, Todd Rundgren, Depeche Mode, Dave Mat­thews Band, The Doobie Bro­thers, Whitney Houston, Kraftwerk, The Noto­rious B.I.G. leh Rufus featuring Chaka Khan-te pawh an tel.

Fan-te hian a vawikhatna atan Google kaltlangin “Rock Hall Fan Vote” aṭang­in vote an thlak thei dawn a ni. Nakkum January 10 thleng vote thlak theih a ni. Vote an lak aṭang­­­a final list chu nakkumah tih­chhuah a ni bawk ang.

2020 Rock And Roll Hall Of  Fame hi Cleveland-a Public Auditorium-ah nakkum May 2-a hman tum a ni a, award hi category liah ṭhen ṭhin a ni. Performers, non-performers, early influences, leh lifetime achievement category-ah te ṭhen niin, 2000 aṭang khan sidemen category telh belh a ni bawk.