Emily Ratajkowski lakah thubuai thehlut

American model Emily Rataj­kowski chuan a Insta­gram-a phalna la hmasa loa a thlalak a post vangin, photo­grapher leh professional pa­pa­razzi Robert O'Neil chuan New York chhimthlang district-ah thubuai a thehlut.    

O'Neil hian Emily thawhpui 'Emrata Holdings' company lakah pawh thubuai hi a thehlut bawk. O'Neil chuan, "Gone Girl actress Emily hian ka phalna la loin a instagram-ah ka thlalaksak a post a, hei vang hian $150,000 chawi turin ka phut a ni," a ti.

Emily hian IG-a a post hi New York khawlaia hmai khuh a pangpar a keng lai a ni. Kumin hian milarte lakah hian photographer-te hian thubuai an siamsak fo a, tunhnai lawkah pawh Gigi Hadid, Justin Bieber leh Jennifer Lopez-te pawhin hetiang buaina hi an lo hmachhawn tawh bawk.