Modern family-ah Beckham leh Courteney kan hmu dawn

David Beckham leh Courteney Cox chu American Broadcasting Company (ABC) tihchhuah, Amercian comedy series 'Modern family' film episode thar turah an chanve dawn thu Courteney chuan a Instagram-ah a tarlang.

Kar kal ta Zirtawpni khan American actress leh Friends star Courteney hian a IG-ah footballer hlui David Beckham nen bathtub-a an ṭhu dun lai leh midangte nen an awm ho lai chu a post a, a caption-ah  #Modernfamily tih a ziak tel a ni

Beckham pawh hian a IG-ah tho Courteney nen script an chhiar dunlai niawm tak a post bawk a, Courteney chu a ṭhian thar a nih thu leh 'Modern family' atan hma an lak mek thu a post. Anni pahnih bakah hian Jordan Peele, Edward Norton leh Elizabeth Banks-te pawh he episode tharah hian an chang dawn.