NASA-in Venus, Jupiter leh Neptune lamah a mit a len

United  States sorkar hnuaia independent space agency  National Aeronautics and Space Administration (NASA) chuan Venus, Jupiter thla (moon) leh Neptune icy moon Triton-te zirchianna turin hma a la thar a, hemi hmang hian heng planet-te lam hawi hian mission pawh neih an la tum mai thei.

Tuna an hmalakna hi chu 'official' tak chuan mission tiin an la sawi lo a, an zirchian dan aṭangin kal chhunzawm pui zel a ni dawn em tih pawh an la ngaihtuah ṭha leh dawn a ni. 

US space agency chuan hemi chungchang hi kar hmasa khan tarlangin, NASA-in zirchianna a la neih lohte chu an bitum dawn a, chungah chuan Venus bakah hian Jupiter leh Neptune thla (moon) te hi a tel.

NASA Science Mission Directorate  Associate Administrator, Thomas Zurbuchen chuan an mission thlan chhuahte hian solar system mihringte'na kan hriatthiam dan chu a tidanglam thei tih a sawi.

Heng planet leh an thlate hi thla kaw chhung zirchian a ni dawn a, $mtd 3 vel ṭheuh pakhat zirchianna tur hian NASA chuan a tum dawn a ni. Zirchianna an ennawn leh hnuah hian mission thar siam dan tur an ngaihtuah ṭha leh dawn a ni.