Judas Priest guitarist hluiin band thar a din

English heavy metal band Judas Priest guitarist hlui KK Downing chuan band thar 'KK’s Priest' a din.

KK’s Priest-ah hian Judas Priest band member hlui dangte pawh an tel a, kum 1996 aṭanga 2003 inkara Judas Priest vocalist ṭhin Tim “Ripper” Owens pawh chung zingah chuan a tel. Ani bakah hian kum 1977 aṭanga 1979 inkara Judas Priest drummer Les Binks pawh a tel bawk.    

Guitarist A.J. Mills leh bassist Voodoo Six-te nen ṭangkawpin band thar hi an din a ni. January thla khan American global music corporation, 'Explorer1 Music Group' leh KKDowning-te hian music lama thawhdunna tur inremna an ziak a, Andy Gould chu manager atana ruat fel a nih hnuah, band thar hi KK Downing kaihhruainain an din ta a ni.