Rapper Pop Smoke a thi

US rapper kum 20 mi, Pop Smoke chu Nilaini khan a thi.

Hollywood Hills, Cali­for­nia-a a chenna inah an ram huna Nilaini zing dar 4:30 velah khan misual pahnih lutin an kap hlum niin Police chuan an tarlang.

Pop Smoke hming tak chu Bashar Barakah Jackson a ni a, Police-te chuan a kaptute hian hmaikawr an vuah tih sawiin, vawi eng emaw zat an kap a ni. West Hollywood-a  Cedars-Sinai Medical Centre chu ambulance hmanga panpui nghal ni mah se damdawi-in thlenpui a nih meuh hi chuan a thi hman.

Mi lar tam takin Pop Smoke an ui thu hi an tarlang nghal a, Kylie Jenner, 50 Cent,  Chance the Rapper, Nicki Minaj leh Snoop Dogg-te pawhin an ui thu an tarlang bawk.