Kurt Cobain-a cardigan $333k chuangin hralh

Nirvana Unplugged ses­sion-a Kurt Cobain-a cardigan hak chu $333,429 (£260,000)-in an hralh.

Olive green mohair cardigan hi Cobain hian a  ha lar hle a, a ipte pakhat phei chu cigarette-in a tipawp a ni. November 1993-a MTV unplugged session-a an zainaa a hak kha niin, he session pawh hi a lar hle a nih kha.

Hard Rock Cafe, New York-ah Julien's Auctions chuan cardigan a lilam a, a fender custom guitar pawh lilam nghal niin $339,841 (£265,000)-in hralh a ni bawk.

He guitar hi turquoise Fender guitar niin, 1993-a siam a ni a, Utero tour-ah khan a hmang nasa hle a, Rock and Roll Hall of Fame-ah pawh tarchhuah a ni reng ṭhin. Cobain-a nupui Courtney Love  pawhin he guitar hi Cobain-a guitar ngainat ber zinga mi a nih thu a ziak a ni.

Nirvana vocalist  Kurt Cobain hi April 5, 1994 khan kum 27 mi niin a thi a, a vanglai takin a thi a, uitu pawh a ngah hle.