Call of Duty Mobile-in PUBG a khum

PlayerUnknown’s Battle Ground (PUBG) lar zia chu sawinawn a ngai lo. Hun eng emaw chen khawvela mobile game lar ber nihna dinhmun a luah hnuah Call of Duty Mobile chuan lar lamah PUBG hi a khum ta niin a lang.

US-based digital media company, ranker.com chuan hemi chungchang hi tarlangin, tunah chuan Call of Duty hi PUBG aiin a lar tawh zawk tih an tarlang a ni.

Call of Duty Mobile hi khawvel puma khelh theih turin tun thla tir lamah khan Activision chuan an Tencent Games nen ṭangkawpin an tlangzarh a, kar khat chhungin mi maktaduai 100 tehmeuhin an download hman niin Sensor Tower chuan a sawi.

PUBG Mobile khan tlangzarh a nih karah khan kheltu maktaduai 26.3 a nei a, Fortune khan maktaduai 22.5 neiin, Call of Duty hian heng game lar pahnih hi a rawn khum hneh rem rem hle. Sensor Tower hotupa Randy Nelson chuan Call of Duty Mobile chu tlangzarh a nih kara game khelh nasat ber a ni tawh tih a sawi. Call of Duty hi mobile game lar bera puan a ni a, PUBG chuan dawtin pathumnaah Minecraft a awm. Clash of Clans chu palinaah la awm phakin Calsh Royale chu pangana a ni thung.

Google play store bikah chuan Call of Duty hian PUBG hi a la phak lo hle thung a ni.