S Club 7 inzawmkhawm leh tum

English pop group lar tak ṭhin, S Club 7 member-te chu 20th anniversary tour atana inzawmkhawm leh tumin an inbe mek. 

Kum 1999 khan S Club 7 hian an hla hmasa ber, 'Bring It All Back' an release a ni. The Mirror chuan band member - Rachel Stevens, Jo O’Meara, Hannah Spearritt, Tina Barrett, Bradley McIntosh, Jon Lee leh Paul Cattermole-te chuan inzawmkhawm leh an hreh lo tlang niin a tarlang. Nakkuma reu­nion tour neih hun tur chung­changah an inbe kual mek tih a tarlang bawk. 

Kum 1990 chhoa Spice Girls leh Take That-te an rawn lar chhoh hnuah, Simon Fuller chuan kum 1998 khan S Club 7 hi a din a, studio album pali an siam hman a, an album-te hi khawvel pumah maktaduai 10 chuang an hralh chhuak thei a ni. 

Kum 2003 khan an band hi ṭhiah a ni a, mahse kum 2014 khan BBC buatsaih Children in Need programme pualin a vawikhatna atan an inzawmkhawm leh a, kum 2015-ah UK-ah reunion tour an nei leh bawk. Mahse kum 2017 khan band member pathumte chuan an chhuahsan leh a, hemi hnu hian an band hi an tawp zui leh ta nghal a ni.