LBS Suzuki Youth Icon 2019 nizanah an ṭan
LBS Suzuki Youth Icon & Super Dance Crew 2019 chu nizan dar 7 khan ṭan a ni. Elimination round aṭang hian LPS-1-ah live a pek chhuah a ni. Youth Icon 2019 a zai tur hian mi 300 dawnin hming an pelut a, nizan dar 7 aṭang khan ṭan a ni a, zan khatah mi 54 aṭanga 56 inkar vel an zai ṭhin ang.
Suzuki LPS Youth Icon 2019-ah hian zai bakah Super dance crew, folk Song leh Designer Contest neih tel a ni dawn. Dance crew-te hi November 18 leh 19, zan dar 8:00-ah Dawrpui Multipurpose hall-ah audition neih tur a ni ang. Live telecast a ni dawn a, hetaṭanga 10 thlanchhuahte leh Youth Icon thlanchhuah 10-te chu ṭhumvawrin a inkawp tur zawn anni ang a, zai lama top 10 leh lam lama top 10-te hi an perform rual ṭhin ang. Judgement erawh a hranpaa kalpui a ni dawn thung.
Elimination Round, Top 50 leh Top 20-te hi LPS Auditorium-ah neih a ni anga, November 22 aṭangin top 10 intihsiakna neih a ni anga, Dec 7-ah Grand Finale neih a ni ang.
Lawmman Youth Icon
Pakhatna Rs 1,50,000
Pahnihna Rs 70,000
Pathumna Rs 50,000
Super Dance Crew
Pakhatna Rs 1,00,000
Pahnihna Rs 50,000
Pathumna Rs 30,000
Folk song
Pakhatna Rs 20,000
Designer
Pakhatna Rs 20,000
Pahnihna Rs 10,000
Pathumna Rs 5,000