Justin Bieber-a'n Krismas hmain album tihchhuah a tum

Canadian pop singer Justin Bieber chuan Thawhṭanni khan Instagram-a a thil post chuan 20 million like a neih tlin chuan Krismas hmaa album tihchhuah a tum thu a sawi.

A thil post hi share chhawng turin a fan-te a ngen bawk a, a album atana a inpuahchahna hi a zawh ṭep tawh thu leh fan-ten an thlawp ṭhinna avanga hma a lak chak theih thu a sawi tel bawk a ni. 

Dar kar 24 hmain 6 million-in an like sak der tawh a, nimin thleng kha chuan 9.4 million-in an like sak tawh a ni. A manager Scooter Braun pawn share chhawng vein, ani bakah hian Cruz Beckham, DJ Khalid leh Logan Paul-te pawn a thil post hi an share sak ve bawk.

Bieber hian a album tih­chhuah thar tur hi englam hawi nge a ni tih engmah a sawi hran lo a. Kumina album a tichhuak thar leh a nih chuan, Purpose album hnuaa a tihchhuah hmasak ber tur leh kum 4 hnua album thar a neih leh hmasakna ber tur a ni ang.

2011 khan Bieber hian Krismas album 'Under the Mistletoe' chu a lo tichhuak tawh a, kumina a tihchhuah tur pawh hi Krismas album tho a ni leh mai thei.