The Great Alaskan Race aṭanga hlawkna NGO-te tan pe dawn
American actor Brian Presley channa film 'The Great Alaskan Race' chu, October 25 khan tlangzarh a nih hnuah theatre hrang hrangah chhuah nghal niin, heta ṭanga hlawkna an hmuh chu non-profit organization (NGO) pahnih hnenah pek a ni dawn.
He film tharah hian Presley hi director a ni nghal a, a company "P12 Films" siam a ni bawk. Hlawkna an hmuhte chu NGO pahnih- Christian addiction network "Hope is Alive" leh "Battle Dawgs"-te hnenah an pe dawn a ni.
Heng NGO pahnihte hian kum upa lam zawk Post-traumatic stress disorder (PTSD) natna veite chu "therapy dog" hmangin an enkawl ṭhin a, he natna hi thil hlauhawm thleng thut avanga neih theih a ni a, rilru lam natna a nih thu mithiamte chuan an sawi.
The Great Alaskan Race hi thil tak tak thleng behchhana siam a ni a, kum 1925 lai vela Nome, Alaska-a diphtheria natna darh zel tur chu 'sled dog musher team'-ten an ven dan vel chan chhuahna film a ni.