California ramkang ṭhelhtute tan John Cena-a'n $500k pe

California-in ramkang nasa tak a tawrh mek ṭanpuina turin John Cena chuan $500,000 a pe.

John Cena chuan hei hi ramkang ṭhelh hna thawk mekte ṭanpuina tur a nih thu a sawi. Pawisa tam tham tak a pe tih hi a twitter kaltlanga puangin, a film channa tihchhuah thar tur pawh  'Playing With Fire' a nih thu leh November 8 hian tlangzarh a ni dawn tih a sawi.

Wrestler hlui leh lemchan thiam bawk John Cena chuan kang ṭhelh mekte chuan nasa takin hna an thawk a, ṭanpui an mamawh thu  a sawi a ni.