Mayawati-i'n J&K-a EU palai kaltir sawisel

Bahujan Samaj Party (BSP) hotu Mayawati chuan sorkar laipuiin Euro­pean Parliament mem­ber-te Jammu and Kashmir tlawh a phalsak chungchang sawiselin, sorkar laipui chuan ramdang MP-te ni loin, India MP-te ngei an kal phalsak zawk se a ṭhat zawk a ni, a ti.

Mayawati chuan Arti­cle 370 tihtawp a nih hnu khan, sorkar laipui chuan Indian MP-te ngei chu J&K ah hian tir se, a bikin eptu MP te ni se, hei hi J&K dinhmun zirchiang tura EU MP te tirh ai chuan a ṭhain a ṭangkai zawk ang, tiin a twitter ah a tarlang. 

EU member-te hian nimin khan Kashmir an tlawh a, member-te hi UK, France, Germany, Italy, Poland, Czech Republic leh Slovakia ram mite an ni. Sorkar laipuiin India political leader-te J&K an tlawh a phalsak loh lai a, EU member-te an kal a phalsak leh si hi eptu hruaitu Rahul Gandhi, Sitaram Yechury leh Asaduddin Owaid te pawh­in na takin an sawisel.