The Aijal Club Carnival 2019 naktuk aṭangin

Aijal Club hmalaknain Aijal Club Park (Childrens' Park awmna ṭhin)-ah November 1 leh 2 hian carnival buatsaih a ni dawn. He Carnival-ah hian naupang leh puitling tan intihhlimna chi hrang hrang buatsaih a ni ang a, ei leh in tuihnai tak tak pawh chhawpchhuah a ni bawk ang. 

A duh apiang tan chhim theih a ni a, zing dar 11 aṭanga tlai dar 6 thleng hawn a ni  ang. Park luh man hi ticket pakhat Rs 30 a ni a, carnival laia park-a lut tan an ticket kha 'lucky ticket' a ni nghal dawn bawk a,  lawmman ṭha tak a man theih dawn a ni. 

Yonko Mizoram aṭangin  Anime Cosplay show a awm dawn a, Dance show hmunhnawm tak a awm bawk ang. Art Novelty Gallery lem ziak thiamten a duh tan a hmunah lem an ziahsak thei dawn bawk. Mizo Dance Camp-ten House of Horror an siam dawn a, a hrang viau dawn a nih hmel! 

Carnival danga kan hmuh ang ṭhin chu a kim dawn hle. Desi  Choka, Sugar bowl, NE Fusion Food(Kuri & Hlui,) Ameterasu Oriental Food, House of Candy, leh Baskin Robbins-ten ei leh in lam an zuar dawn bawk.