Justin Bieber album thar a hnai a nih hmel

Social media lamah studio-a a thlalak hmuh tur a awm zeuh zeuh a, tunah chuan a album thara hla turte pawh a record zo tawh a ni mai thei. Instagram lamah a album thar tur tracklisting a ennawn thute pawh a sawi lang leh tawh.

A gospel-pop anthem 'Holy' a tlangzarh a, a hit hle. Benny Blanco nena an hla 'Lonely' chu single-in a tichhuak tawh bawk a, Shawn Mendes nena an sak dun 'Monster' a tihchhuah tawh bakah hmanni lawk khan 'Anyone' a tichhuak leh. Heng hla pali hit tak takte hi a album thara mi vek tur hi a nih ngei hmel.

Naupang te a nih lai aṭanga khawvelin a hmelhriat tawh Justin Bieber hian kum 2010 khan a album hmasa ber My World 2.0 a tichhuak a, hemi hnu hian studio album dang pali tlangzarh tawhin a album hnuhnung ber nikuma a tlangzarh Changes pawh kha Recording Industry Association of America (RIAA)-in platinum a certify leh tawh a ni.